ගිනි අවි 02 ක් සහ ටී 56 වර්ගයේ පතොරම් 18 ක් සමග සංවිධානාත්මක අපරාධකරුවෙකු වන අංගොඩ ලොක්කාගේ සමීපතමයෙකු බවට සැක කෙරෙන අයෙකු අංගොඩ ප්‍රදේශයේදී අත්අඩංගුවට ගෙන තිබෙනවා.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කලේ සැකකරු සහ අංගොඩ ලොක්කා අතර සබඳතාවක් තිබී ඇතිදැයි තවදුරටත් විමර්ශනය කෙරෙමින් පවතින බවයි.
අංගොඩ ලොක්කා නමැත්තා ඉන්දියාවේදි මියගොස් ඇති බවටයි මීට සති කිහිපයකට පෙර වාර්තා පළවූයේ.
පොලිස් විශේෂ කාර්ය බලකාය විසින් අත්අඩංගුවට ගත් 38 හැවිරිදි සැකකරු සම්බන්ධයෙන් මුල්ලේරියාව පොලිසියද විමර්ශන මෙහෙයවනවා.
මේ අතර කඩු දෙකක් – ගිනි අවියක් සහ ජීව අත්බෝම්බයක් සමග සැකකරුවෙකු අවිස්සාවේල්ල ප්‍රදේශයේදී පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
More Stories
එජාප – සජබ හවුලට එජාප කෘත්‍යාධිකාරියෙන් අනුමැතිය
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්