අද කොළඹ ප්‍රදේශ කිහිපයකට ජල සැපයුම අත්හිටුවයි

අත්‍යවශ්‍ය නඩත්තු කටයුත්තක් හේතුවෙන් කොළඹ ප්‍රදේශ කිහිපයකට අද රාත්‍රී 8 සිට හෙට පෙරවරු 6 දක්වා ජල සැපයුම අත්හිටුවීමට නියමිතව තිබෙනවා.

ජාතික ජල සම්පාදන හා ජලාපවාහන මණ්ඩලය නිවේදනය කරන්නේ, කොළඹ 12, 13, 14 සහ 15 යන ප්‍රදේශවලට මෙලෙස පැය 10 ක කාලයක් මෙලෙස ජල සැපයුම අත්හිටුවන බවයි.

එමෙන්ම අදාල කාලය තුළ කොළඹ 11 ප්‍රදේශයට අඩු පීඩනයක් යටතේ ජලය සැපයෙන බවද ජල සම්පාදන මණ්ඩලය දැනුම් දෙනවා.