අද විදුලි කප්පාදුවක්

විදුලි ඉල්ලුම අද (7 වැනිදා) දිනයේ මෙගාවොට් 2750 ක් බවට පත්වුවහොත් විදුලි කප්පාදුවකට යෑමට අකැමැත්තෙන් හෝ සිදුවන බව මහජන උපයෝගිතා කොමිෂන් සභාවේ සභාපති ජනක රත්නායක පැවැසුවේය.

මෙගාවොට් 2750 ක පමණ ධාරිතාවක් උත්පාදනය කිරීමට ඉන්ධන හිඟයක් රට තුළ පවතින අවස්ථාවක නොහැකි බවද හෙතෙම ‘අරුණ’ ට පැවැසීය.

විදුලිය කප්පාදු කිරීම පිළිබඳ තීරණ ගත යුත්තේ මහජන උපයෝගිතා කොමිෂන් සභාව මිස විදුලි ඉංජිනේරුවන් නොවන බව සභාපතිවරයා කියා සිටියේය.

පෙබරවාරි 3 වැනිදා රටපුරා සිදුවූ විදුලි කප්පාදුව තවමත් ප්‍රහේලිකාවක් බවත්, මෙම කප්පාදුව සිදුවූයේ කුමන හේතුවක් නිසාදැයි විදුලිබල මණ්ඩලයේ සාමාන්‍යාධිකාරිවරයා හෝ තවමත් නොදන්නා බව ඔහු පැවැසීය.