නැගෙනහිර සිරියාවේ හඳුනාගත් ස්ථාන දෙකකට අමෙරිකාව විසින් ගුවන් ප්‍රහාර එල්ලකර තිබේ. එම ස්ථාන ඉරානය සහ ඉරානයට ලැදි කණ්ඩායම් විසින් භාවිත කළ මධ්‍යස්ථාන ලෙස හඳුනාගත් බව අමෙරිකානු බලධාරීන් පවසයි.
පසුගිය දින කිහිපයේදී ඉරාකයේ සහ සිරියාවේ ස්ථානගත කර ඇති අමෙරිකානු හමුදා වෙත ඩ්‍රෝන් සහ රොකට් ප්‍රහාර එල්ලවිය. පෙන්ටගනය පැවසුවේ ඉන් සිය හමුදා සාමාජිකයින් 21 දෙනෙක් තුවාල ලැබූ බවයි.
ඊශ්‍රායල-හමාස් යුද ගැටුම් ඔක්තෝබර් 07 වනදා ආරම්භ වූ පසු අමෙරිකානු සහ ඒකාබද්ධ හමුදා ඉරාකයේ දී 12 වතාවක් සහ සිරියවේදී සිව් වතාවක් ප්‍රහාරවලට ලක්වී තිබුණි.අමෙරිකා හමුදා සාමාජිකයින් 2,500ක් ඉරාකයේ ස්ථානගත කර සිටින අතර සිරියාවේ අමෙරිකානු භටයින් 900ක් සිටියි.සිරියානු ඉලක්ක වෙත ප්‍රහාර එල්ලකිරීම සම්බන්ධයෙන් අමෙරිකානු හමුදා බලධාරීන්, ඊශ්‍රායලය දැනුවත් කර නොමැති බව වාර්තාවිය.
More Stories
චීන රජය ලබාදෙන දෙවන සහනාධාර තොගය මියන්මාරයට ළඟා වෙයි
ඇමරිකාවේ තීරුබදු ඉහළ නැංවීමට එරෙහිව පියවර ගෙන සිය නීත්‍යනුකූල අවශ්‍යතා දැඩි ලෙස ආරක්ෂා කරන බව චීනය පවසයි
ඇමරිකාව තායිවාන බෙදුම්වාදීන්ට විරෝධය දක්වමින් චීනය එක්සත් කිරීමට අනුබල දිය යුතු බව අවධාරණය කෙරේ