අමෙරිකාවේ කොවිඩ් ආසාදිතයන් ගණන කෝටිය ඉක්මවයි

අමෙරිකාවේ කොවිඩ් 19 ආසාදිතයන් ගණන කෝටිය ඉක්මවා තිබෙන බව විදෙස් මාධ්‍ය වාර්තා කර තිබෙනවා.

ඒ ඊයේ(6) දින එරටින් නව ආසාදිතයන් 127,700 ඉක්මවූ පිරිසක් හඳුනාගැනීමත් සමඟයි.එමෙන්ම ඊයේ(6) දින එරටින් වාර්තා වූ කොවිඩ් මරණ සංඛ්‍යාව 1202ක් වනවා.

මේ අතර අමෙරිකාව පුරා අඛණ්ඩව වෛරසය ව්‍යාප්ත වෙමින් පවතින බැවින් ඉදිරි මාසය තුළදී ආසාදිතයන් සංඛ්‍යාව දෙගුණ වියහැකි බවට හාවර්ඩ් විශ්වවිද්‍යාලයේ වසංගත විද්‍යාවේදියෙක් අනතුරු අඟවා ඇති බව විදෙස් මාධ්‍ය තවදුරටත් වාර්තා කරන්නේ.