අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන අංශයේ අධ්‍යක්ෂ, ජ්‍යෙෂ්ඨ පොලිස් අධිකාරී පද්මිණී වීරසුරිය මහත්මියට වහාම ක්‍රියාත්මක වන පරිදි යාපනයට ස්ථාන මාරුවක් ලබා දී තිබේ.
වාර්තා වන පරිදි ඊට ආසන්නතම හේතුව වී තිබෙන්නේ රජයේ කැබිනට් අමාත්‍යවරයෙකුට හා ආමාත්‍යංශ ලේකම්වරයෙකුව සිටි එමෙන්ම MCC ගිවිසුම සම්බන්ධයෙන් අධ්‍යනයට පත් කළ කමිටුවේ ආර්ථික විද්‍යාව සම්බන්ධ ආචාර්යවරයෙකුට එරෙහිව අල්ලස් කොමිසමට ලැබී තිබුණු පැමිණිලි විමර්ශනය කිරීමයි.
එම විමර්ශනය අත්හිටුවන ලෙස ඇයට මීට පෙර උපදෙස් ලැබී තිබුණද එය නොතකමින් පද්මිණී වීරසූරිය මහත්මිය අඛණ්ඩවම විමර්ශන කටයුතු සිදුකර තිබෙනවා. මෙම විමර්ශනය ඇයට ලැබී ඇති ස්ථාන මාරුව සඳහා ප්‍රබල හේතුවක් වී ඇති බවයි වාර්තා වන්නේ.
මෙම හේතුව මත ඇයව මෑතකදී නුගේගොඩට ස්ථාන මාරුවක් ලබා දී තිබුණු අතර එම කාලය වනවිට 19 වැනි ව්‍යවස්ථා සංශෝධනය යටතේ ස්වාධීන කොමිෂන් සභාවලට පැවති ව්‍යවස්ථාපිත බලය හේතුවෙන් එම ස්ථාන මාරුව අවලංගු කර ඇයව අල්ලස් හෝ දුෂණ චෝදනා විමර්ශන කොමිෂන් සභාවේම රඳවා ගෙන තිබිණි. කෙසේ වෙතත් මේ වනවිට 20 වැනි ආණ්ඩුක්‍රම ව්‍යවස්ථා සංශෝධනය තුනෙන් දෙකක බහුතර බලයෙන් සම්මත වී ඇති පසුබිමක තවදුරටත් කොමිෂන් සභාවට ව්‍යවස්ථාපිත බලයක් නොමැත.
එම තත්වය මත පද්මිණී වීරසූරිය මහත්මිය යාපනය ප්‍රදේශයට මාරු කර යවා තිබේ.
ඇය ත්‍රස්ත විමර්ශන කොට්ඨාසයේ සිට අල්ලස් හෝ දුෂණ චෝදනා විමර්ශන කොමිෂන් සභාව වෙත මාරු කර තිබුණු අතර දීර්ඝ කාලයක් එහි විමර්ශන නිළධාරිනියක ලෙස කටයුතු කර ඇති අතර ජ්‍යෙෂ්ඨ පොලිස් අධිකාරී ධුරයට උසස් වීම් ලබා ඇත්තේද මෙම කොමිෂන් සභාවේ සේවා කාලය අතරතුරය.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ