සිංහල හා හින්දු අලුත් අවුරුද්ද වෙනුවෙන් විශේෂ බස්රථ සේවයක් යෙදවීමට ජාතික ගමනාගමන කොමිෂන් සභාව සැලසුම් කර තිබෙනවා.
එය අදියර දෙකකින් ක්‍රියාත්මක කෙරෙන අතර, පළමු අදියර 2022 අප්‍රේල් 08 වැනිදා සිට 15 වැනිදා දක්වා ක්‍රියාත්මක වනවා.
කොළඹ බැස්ටියන් මාවත ප්‍රධාන බස් පර්යන්තයේ බස් සේවා සඳහා ඉල්ලුම වැඩි වුවහොත්, බස් හිමියන් වෙත නොමිලයේ තාවකාලික මගී සේවා අවසරපත්‍ර නිකුත් කිරීමටද සැලසුම් කර තිබෙනවා.
එමෙන්ම කඩවත, කඩුවෙල බස් පර්යන්තයන්වල හා මාකුඹුර බහුවිධ හුවමාරු මධ්‍යස්ථානයේ ද මගීන්ට අවශ්‍ය පොදු පහසුකම් මෙම කාලසීමාව තුළදී සැපයීමට කටයුතු කරන බවයි ජාතික ගමනාගමන කොමිෂන් සභාව නිකුත් කළ නිවේදනයේ දැක්වෙන්නේ.
දෙවන අදියර යටතේ, නැවත කොළඹ හා තදාසන්න ප්‍රදේශවලට පැමිණීමේදී ගාල්ල, මාතර, ඇඹිලිපිටිය, මොනරාගල, බදුල්ල, හැටන්, මහනුවර හා නුවරඑළිය බස් පර්යන්තවල මගී ඉල්ලුමට සරිලන පරිදි තාවකාලික බලපත්‍ර මත බස් සේවා යෙදවීමට සැලසුම්කර තිබෙන බවයි ජාතික ගමනාගමන කොමිෂන් සභාව වැඩිදුරටත් සඳහන් කර ඇත්තේ.
එමෙන්ම දවසේ පැය 24 පුරාම විශේෂ මෙහෙයුම් මැදිරියක් ද මෙම කාලය තුළ ක්‍රියාත්මක කිරීමට නියමිතයි
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්