ඇමෙරිකාවේ කැලිෆෝනියා ප්‍රාන්තයේ ගැබිනි කාන්තාවක නිවුන්නු දරුවන් බිහි කළ අතර, දරු දෙදෙනා උපන් දිනය වසර දෙකකට යෙදීම සුවිශේෂී සිදුවීමක් විය.
නිවුන දරු දෙදෙනා පුතකු සහ දියණියකි. ඇල්ෆර්ඩෝ අන්තෝනියෝ ටෘජිලෝ නමැති ඔහු උපන්නේ 2021 වසර අවසන් වෙද්දී දෙසැම්බර් 31 වැනිදා රාත්‍රී 11.45 ටය.
දියණිය අයිලීන් යොලන්ඩා උපන්නේ, මැදියම් රැයේ දී එනම් 2022 නව වසර උදා වෙද්දී ජනවාරි පළමු වැනිදාය.
නිවුන් දරු දෙදෙනාගේ උපන් වසර වෙනස් වන්නේ ඒ අනුවය.
දරු දෙදෙනාගේ මව ෆාතිමා මැඩ්රිගාල් පවසන්නේ තම සිඟිත්තන් දෙදෙනාගේ උපන් දිනය අවුරුදු දෙකකට යෙදීම පුදුමයට කරුණක් බවය.
ඇගේ දියණිය 2022 වසර උදා වෙද්දී ඇමෙරිකාවේ රෝහලක උපත ලැබූ පළමු දරුවා ද වෙයි. ඒ ගැන ද තමන් අතිශය සතුටු වන බව ෆාතිමා පවසා තිබේ.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්