2008 වසරෙන් පසු උපන්න කිසිවෙකුට, ඔවුන්ගේ ජීවිතකාලය තුළදී දුම්වැටි (සිගරට්) හෝ දුම්වැටි නිෂ්පාදන හෝ මිලදී ගැනීම තහනම් කිරීමේ නව නීති හදුන්වා දීමට නවසීලන්ත රජය පියවර ගෙන ඇත.
2008 වසරෙන් පසු උපත ලැබූ කිසිවෙකුට දුම්වැටි හෝ දුම්වැටි නිෂ්පාදනයන් මිලදී ගැනීම තහනම් කිරීමේ නීතිය ලබන 2022 වසරේ සිට ක්‍රියාත්මක වනු ඇතැයි පැවැසෙයි.
නව නීතිය යටතේ වයස අවුරුදු 14 හෝ ඊට අඩු කිසිවෙකුට දුම්වැටි හෝ දුම්වැටි නිෂ්පාදනයන් මිලදී ගැනීම තහනම් කෙරෙන අතර එම වයස් කාණ්ඩයට දුම්වැටි අලෙවි කිරීමද අලෙවි සමාගම්වලට තහනම් වන බව නවසීලන්ත සෞඛ්‍ය ඇමැතිනී වෛද්‍ය අයේෂා වෙරාල් පවසා ඇත.
තරුණ ජනගහනය දුම්පානයට යොමු වීම වැළැක්වීම සඳහා මෙම නව නීතිය ගෙන එන බවත්, මේ වනවිට සියයට 13ක්ව පවතින නවසීලන්තයේ දුම්පානයට ඇබ්බැහි වී සිටින වැඩිහිටි ජනගහනයේ ප‍්‍රතිශතය වසර 2025 වන විට සියයට 5ක් දක්වා අඩු කිරීමට බලාපොරොත්තු වන බවත් අමාත්‍යවරිය වැඩි දුරටත් පවසා ඇත.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්