පාර්ලිමේන්තුවේ ආංශික අධීක්ෂණ කාරක සභා අත්හිටුවා ඇතැයි ආණ්ඩු පක්ෂයේ ප්‍රධාන සංවිධායක ජොන්ස්ටන් ප්‍රනාන්දු මහතා පාර්ලිමේන්තුවේදී අද (11) පැවසීය.
” රජයකට ඕනෑම වෙලාවක තමන්ගේ ප්‍රතිපත්ති වෙනස් කරන්න පුළුවන්. මේක අපේ රජය” යැයිද ඔහු ප්‍රකාශ කළේය.
ආණ්ඩු පක්ෂයේ ප්‍රධාන සංවිධායකවරයා මෙසේ පැවසූවේ විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා මේ සම්බන්ධයෙන් මතු කළ ප්‍රශ්නයකට පිළිතුරු දෙමිනි.
මංගල සමරවීර මහතාගේ ශෝක යෝජනාව විවාදය ගන්නා මේ අවස්ථාවේදී මෙවැනි ප්‍රශ්න ඇද ගැනීම වැරදි බවත් ඒවා කතා කිරීමට වෙනත් තැන් තිබෙන බවත් ඔහු පැවසුවේය.
මංගල සමරවීර මහතාගේ පවුලේ ඥාතීන්ද මේ අවස්ථාවේදී මේ ස්ථානයේ සිටින බව ජොන්ස්ටන් ප්‍රනාන්දු මහතා කීවේය.
මෙහිදී අදහස් දැක්වූ කතානායක මහින්ද යාපා අබේවර්ධන මහතා පැවසූවේ පක්ෂ නායක රැස්වීමේදී මේ ගැන තීරණයක් ගන්නා බවයි.
ඒ පිළිබඳව ළඟදීම තීරණයක් ගන්නා බවද ඔහු කීවේය
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්