එක්සත් ජාතීන්ගේ සංවිධානයේ නේවාසික නියෝජිතවරිය වන හනා සිංගර් මහත්මිය ඇතුළු විශේෂ දූත පිරිසක් අද (05) විපක්ෂ නායක සජිත් ප්‍රේමදාස මහතා හමු වී ද්වීපාර්ශවීය කරුණු කිහිපයක් පිළිබඳව සාකච්ඡා කරනු ලැබීය. මෙම හමුව විපක්ෂ නායක කාර්යාලයේදී පැවැත්විණි.
එහිදී විශේෂ අවධානයක් යොමු කළේ කොරෝනා ව්‍යසනය සහ ඒ හරහා මතුව ඇති අභියෝග පිළිබඳවය. විශේෂයෙන්ම දැඩි පීඩාවකට පත්ව සිටින ශ්‍රී ලංකාව නැවත ගොඩනැගීම උදෙසා අවශ්‍ය සහය විපක්ෂ නායකවරයා එක්සත් ජාතීන්ගේ සංවිධානයේ නේවාසික නියෝජිතවරියගෙන් ඉල්ලා සිටියේය. ඒ පිළිබඳව සිය විශේෂ අවධානය යොමු කළ එක්සත් ජාතීන්ගේ සංවිධානයේ නේවාසික නියෝජිතවරිය මේ සම්බන්ධයෙන් උපරිම මැදිහත්වීම සිදුකරන බවටද සහතික විය.
විවිධාකාර දේශපාලන මතිමතාන්තර සහ පරස්පරතා පැවතියද කොරෝනා ව්‍යසනය මැඩලීමට රජයට සහය ලබාදෙන බවත් කිසිවිටෙක සමගි ජන බලවේගය කොරෝනා ව්‍යසනය තුළින් දේශපාලනය නොකරන බවත් විපක්ෂ නායක සජිත් ප්‍රේමදාස මහතා පැවසීය.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ