ආදරය හමුවේ රජ සැප අත්හැර සාමාන්‍ය පුද්ගලයෙක් ව විවාහ කරගත් ජපාන කුමරිය එරටින් පිටව ගියාය.
සාමාන්‍ය පුද්ගලයකු සමඟ විවාහවීමෙන් පසු ඇයගේ රාජකීය තත්ත්වය අහිමි විය.
රාජකීය පවුල ප්‍රතික්ෂේප කරමින් විවාහ වූ ජපානයේ අකිහිතෝ අධිරාජ්‍යයාගේ මිණිපිරිය මාකෝ කුමරිය හා කෙයි කොමුරෝ අමෙරිකාවේ පදිංචියට පිටත්ව ගොස් තිබේ.
මෙම යුවළ ඉරිදා උදෑසන ටෝකියෝ හි හනේඩා ගුවන්තොටුපොළෙන් පිටත්ව ගිය බවත් ඔවුන් නිව්යෝර්ක් හි මහල් නිවාසයක් කුලියට ගැනීමට නියමිත බවත් විදෙස් මාධ්‍ය වාර්තාවල සඳහන් වේ.
ජපානයේ සාමාන්‍ය සම්ප්‍රදාය අනුව ජපාන රාජකීය පවුලේ කාන්තාවක් සාමාන්‍ය පුද්ගලයෙක් විවාහ කර ගැනීමෙන් පසු සාමාන්‍ය වැසියෙක් බවට පත් වේ.
එවිට අමෙරිකානු ඩොලර් මිලියන 1.3ක මුදලක් ලැබෙන ලබන අතර, මාකෝ එය ද පසුගිය දා ප්‍රතික්ෂේප කළාය.
රාජකීය පවුල සහ මුදල ප්‍රතික්ෂේප කළ රාජකීය පවුලේ පළමු කාන්තා සාමාජිකාව ඇයයි.
ජපන් ඉතිහාසයේ ප්‍රථම වරට ජපන් රජ පවුලේ කුමරියක් සාමාන්‍ය වැසියෙකු විවාහ වුණේ 2005 වසරේදීය.
ඒ මාකෝ කුමරියගේ නැන්දණිය වන සයාකෝ කුමරියයි.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්