ආර්ථික පරිවර්තන පනත නුදුරේ දී පාර්ලිමේන්තුවට

ආර්ථික පරිවර්තන පනත් කෙටුම්පත පාර්ලිමේන්තුවට ඉදිරිපත් කිරීම සඳහා කැබිනට් අනුමැතිය ලැබී තිබේ.

පසුගිය මාර්තු 25 වැනිදා පැවති අමාත්‍ය මණ්ඩල රැස්වීමේ දී ආර්ථික පරිවර්තන පනත් කෙටුම්පත සැකසීම සඳහා අනුමැතිය පළ විය. අනතුරුව, නීතිපතිවරයාගේ සංශෝධන ද ඇතුළත්  විධිමත් පනත් කෙටුම්පත කඩිනමින් සකස් කර ඉදිරිපත් කරන ලෙස නීති කෙටුම්පත් සම්පාදකට උපදෙස් දී තිබිණ.

ඒ අනුව සකස් කරනු ලැබ ඇති පනත් කෙටුම්පත සඳහා නීතිපති අවසරය ලැබී තිබේ.

එකී පනත් කෙටුම්පත රජයේ ගැසට් පත්‍රයේ පළ කිරීමටත්, අනතුරුව අනුමැතිය සඳහා පාර්ලිමේන්තුවට ඉදිරිපත් කිරීමටත් ජනාධිපති රනිල් වික්‍රමසිංහ මහතා ඉදිරිපත් කළ යෝජනාව ඇමති මණ්ඩලය විසින් අනුමත කර ඇත.