ඇමරිකාවේ තීරු බදු පියවර හේතුවෙන් ගෝලීය වෙළඳපළ තුළ පසුබැසීම් සහ වෙළඳ යුද්ධයක් ඇති වීමේ අවදානම සම්බන්ධයෙන් ලෝක වෙළඳ සංවිධානයේ (WTO) අධ්‍යක්ෂ ජනරාල් Ngozi Okonjo-Iweala මහත්මිය සිය කනගාටුව පළ කරයි. ඇමරිකාවේ මෙම තීරණය ගෝලීය වෙළඳාම හා ආර්ථික වර්ධනය සඳහා සැලකිය යුතු බලපෑමක් ඇති කරනු ඇති බව ද ඇය කියාසිටියා ය.
ලෝක වෙළඳ සංවිධානයේ ගණනය කිරීම්වලට අනුව මේ හේතුවෙන් ගෝලීය භාණ්ඩ වෙළඳ පරිමාව 1% කින් හැකිලීමට ඉඩ ඇත. මෑතකාලීන වෙළඳ පියවරයන් හේතුවෙන් සැලකිය යුතු ලෙස වෙළඳාමේ අපගමනයන් ඇතිවීමේ අවදානමක් පවතින බව ද ඇය පැවසුවා ය. එබැවින් සියලු සාමාජිකයන් වෙළඳ ගැටලු උග්‍ර වීම වැළැක්වීමට සහයෝගයෙන් එක්ව කටයුතු කරන්නැයි ඇය ඉල්ලා සිටියා ය.
පසුගිය දා ඇමරිකා ජනාධිපති ඩොනල්ඩ් ට්‍රම්ප් නව තීරු බදු පියවර ප්‍රකාශයට පත් කළ අතර එය හෙට(05) සිට ක්‍රියාත්මක වනු ඇත. ඒ අනුව ඇමරිකාවේ සියලු ආනයනයන් මත 10% ක අවම මූලික තීරුබදු අය කරන අතර, ඇමරිකාව සමග “විශාලතම වෙළඳ හිඟයන් ඇති” වෙළඳ හවුල්කරුවන්ට වෙනස් ඉහළ අනුපාතයන් පැනවූ අතර එය අප්‍රේල් 9 වන දින සිට ක්‍රියාත්මක වනු ඇත.
More Stories
ඇමරිකානු තීරුබදු පැනවීමට එරෙහිව චීන රජයෙන් ප්‍රතිපියවර
2025 චීන-ඇමරිකාව සමුද්‍රීය යුද ආරක්ෂාව පිළිබඳ සාකච්ඡා කිරීමේ ක්‍රියාකාරී කණ්ඩායම් සමුළුව පැවැත්වේ
ආනයනික මෝටර් රථ සඳහා අති‍රේක තීරුබදු පැනවීම නතර කරන්නැයි චීන මෝටර් රථ කර්මාන්ත සංගමය ඇමරිකාවෙන් ඉල්ලයි