ඇමරිකාවට එරෙහිව චීනයෙන් යළි දැඩි පියවර
ඇමරිකාව චීනයේ තායිවාන ප්‍රදේශයට අවි ආයුධ අලෙවි කිරීමට එරෙහි චීනයේ පියවර සම්බන්ධයෙන් චීන විදේශ අමාත්‍යංශය විශේෂ පැහැදිලි කිරීමක් සිදු කර තිබෙනවා
ඇමරිකානු Lockheed Martin සංස්ථාවට හා එම සංස්ථාවේ ජ්‍යෙෂ්ඨ කළමනාකරු පිරිසට එරෙහිව සම්බාධක පැනවීමේ තීරණය පසුගිය 21 වනදා චීන විදේශ අමාත්‍යංශ ප්‍රකාශ කළා. මේ සම්බන්ධයෙන් අද (24) පැවති මාධ්‍ය හමුවේදී මාධ්‍යවේදියෙකු නැඟූ ප්‍රශ්නයකට පිළිතුරු දෙමින් චීන විදේශ අමාත්‍යංශයේ ප්‍රකාශිකා Mao Ning මහත්මිය චීනයේ ස්ථාවරය පැහැදිලි කර තිබෙනවා.
ඇමරිකාව චීන තායිවාන ප්‍රදේශයට අවි ආයුධ අලෙවි කිරීම එකම චීනය මූලධර්මය හා චීන-ඇමරිකානු ඒකාබද්ධ නිවේදන තුන දැඩි ලෙස උල්ලංඝනය කිරීමක් බවයි චීනය පවසන්නේ. එය චීනයේ අභ්‍යන්තර කටයුතුවලට සිදු කරන දැඩි මැදිහත්වීමක් වන අතර චීනයේ ස්වාධිපත්‍යය හා භෞමික අඛණ්ඩතාවයට ද දැඩි ලෙස හානි කිරීමක් බව ඇය අවධාරණය කළා. සිය රටේ ස්වාධිපත්‍යය හා භෞමික අඛණ්ඩතාව සුරක්ෂිත කිරීමේ චීන රජයේ හා ජනතාවගේ දැඩි අධිෂ්ඨානය සහ හැකියාව කිසිදු රටක්, සංවිධානයක් හෝ පුද්ගලයෙකු අවතක්සේරු නොකළ යුතු බවත්, තායිවාන ප්‍රශ්නයේදී සීමාව ඉක්මවා යාමට උත්සාහ කළහොත් වන්දි ගෙවීමට සිදු වන බව ද ඇය වැඩිදුරටත් අවධාරණය කර තිබෙනවා
More Stories
නව යුගයේ පොදු ඉරණමක් සහිත සර්වකාලීන චීන-කාම්බෝජ ප්‍රජාවක් බිහිකිරීමට චීන ජනපති සහ කාම්බෝජ අගමැති අතර එකඟතාවක්
චීන – මැලේසියා සම්බන්ධතා තවදුරටත් තහවුරු කෙරේ
චීන ජනපති හා කාම්බෝජ මහජන පක්ෂයේ සභාපති අතර හමුවක්