ඉන්දියාව රන් පදක්කමේ අවසන් සටනට

මෙවර පොදු රාජ්‍ය මණ්ඩලීය ක‍්‍රිඩා උළෙලට අයත් කාන්තා විස්සයි විස්ස තරඟාවලියේ අවසන් මහා තරඟය සඳහා සුදුසුකම් ලබා ගැනීමට ඉන්දීය කණ්ඩායම සමත් වුණා.

ඒ අවසන් පූර්ව වටයේ පළමු තරඟයෙන් එංගලන්ත කාන්තා කණ්ඩායම ලකුණු 4 කින් පරාජයට පත් කරමින්.

බර්මින්හැම් හි පැවැත්වුණු තරඟයේ කාසියේ වාසිය දිනා පළමුවෙන් පන්දුවට පහර දුන් ඉන්දීය ක‍්‍රීඩිකාවන් නියමිත පන්දුවාර 20 අවසානයේ කඩුළු 5 ක් දැවී ලකුණු 164 ක් ලබාගත්තා.

සමී‍්‍රති මන්දනා ලකුණු 61 යි.

පිළිතුරු ඉනිම සඳහා පිටියට පිවිසි එංගලන්තයට නියමිත පන්දුවාර 20 අවසානයේ කඩුළු 6 ක් දැවී ලබාගත හැකි වූයේ ලකුණු 160 ක් පමණයි.

විස්සයි විස්ස තරඟාවලියේ අවසන් පූර්ව වටයේ දෙවන තරඟය ඕස්ටේ‍්‍රලියා කාන්තා කණ්ඩායම හා නවසීලන්ත කාන්තා කණ්ඩායම අතර මෙරට වේලාවෙන් රාත‍්‍රී 10 යි 30 ට බර්මින්හැම් හි දී ආරම්භ වීමට නියමිතයි.