පලස්තීනයේ ගාසා තීරයේ සෞඛ්‍ය දෙපාර්තමේන්තුව ඊයේ(6) නිකුත් කළ නිවේදනයට අනුව ඊශ්‍රායල හමුදාව එල්ල කළ ප්‍රහාර හේතුවෙන් ගාසා තීරයේ පුද්ගලයන් 10022ක් මිය ගොස් ඇති අතර 25000කට වැඩි පිරිසක් තුවාල ලබා තිබේ. මිය ගිය පුද්ගලයන් අතුරින් 4100කට වැඩි පිරිසක් දරුවන් වන අතර 2600කට වැඩි පිරිසක් කාන්තාවන් බව වාර්තා වේ. ගෙවී ගිය පැය කිහිපය තුළ ඊශ්‍රායල හමුදාව ගාසා තීරයේ ක්‍රියාත්මක කළ යුද ක්‍රියාකාරකම හේතුවෙන් පුද්ගලයන් 252ක් මිය ගොස් තිබේ. පසුගිය 5 වනදා රාත්‍රියේ ඊශ්‍රායල හමුදාව ගාසා තීරයේ උතුරු ප්‍රදේශය වෙත ගුවන් ප්‍රහාර එල්ල කිරීම හේතුවෙන් එම ප්‍රදේශයේ සන්නිවේදන සබඳතා අවහිර වී ඇත. ඊයේ(6) පෙරවරුව වනවිටත් ගාසා තීරයේ සන්නිවේදන පහසුකම් හා අන්තර්ජාල සබඳතා යථා තත්ත්වයට පත්කර නොමැත.
ඊශ්‍රායල හමුදාව එල්ල කළ ප්‍රහාර හේතුවෙන් ගාසා තීරයේ මිය ගිය පුද්ගලයන්ගේ සංඛ්‍යාව දස දහස ඉක්මවයි
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්