කොරෝනා වැළඳුනහොත් ආරක්ෂාවීම සඳහා සමහරුන් ඔක්සිජන් සිලින්ඩර නිවෙස්වල ගබඩා කිරීමට පටන්ගෙන ඇති බවත් ඔක්සිජන් හිඟයට එයද එක් හේතුවක්වී ඇති බවත් සෞඛ්‍ය අංශ ප්‍රධානීහු පවසති.
ජනතාව නිවෙස්වල හිතුමතේ ඔක්සිජන් සිලින්ඩර ගබඩාකර ගැනීම ඉතා වැරදි ක්‍රියාවක් බව රිජ්වේ ආර්යා ළමා රෝහලේ අධ්‍යක්ෂ වෛද්‍ය ජී.විජේසූරිය මහතා පැවැසීය.
වෛද්‍යවරුන්ගේ උපදෙස් නොමැතිව ඔක්සිජන් ලබා ගැනීම ඉතා අවදානම් බවත් ඔක්සිජන් වැඩිපුර ලබාදීමෙන් නියුමෝනියා තත්වය මෙන්ම ඇස් අන්ධවීම පවා සිදුවිය හැකි බවත් ඔහු සඳහන් කළේය.
රෝගියෙකුට ඔක්සිජන් ලබාදිය යුතු නියමිත ප්‍රමාණ තිබෙන බව පැවසූ විජේසූරිය මහතා රෝගියකුට ඔක්සිජන් ලබා දීම සඳහා ඒ සඳහා අවශ්‍ය සුදුසු උපකරණද තිබිය යුතු බවත් පැවසුවේය.
රෝහල්වල ප්‍රමාණවත් ඔක්සිජන් තිබෙන හෙයින් නිවෙස්වල ඔක්සිජන් ගබඩා කර ගැනීමේ අවශ්‍යතාවක් නොමැති බව අධ්‍යක්ෂවරයා වැඩිදුරටත් කීවේය.
More Stories
පාසල් නිවාඩුව අද සිට ඇරඹේ
මාලිමා මන්ත‍්‍රීලාට, ඇමතිලාට වැටුප් නෑ..
මාලිමාවේ ජාතික ලයිස්තුව