කාබනික පොහොර ආනයනයට කැබිනට් අනුමැතිය..

කාබනික පොහොර හා ස්වාභාවික ඛණිජ විදේශයෙන් ආනයනය කිරීමට කැබිනට් මණ්ඩලය අනුමැතිය ලබාදී ඇත.

කැබිනට් ප්‍රකාශක අමාත්‍ය කෙහෙළිය රඹුක්වැල්ල මහතා සඳහන් කරන්නේ එසේ ආනයනය කරනු ලබන පොහොර වල ගුණාත්මකභාවය ගැන ආයතන තුනක් හරහා නිරන්තරයෙන් සොයා බලන බවයි.

රසායනික පොහොර භාවිතය සෞඛ්‍ය ගැටලු රැසකට හේතු වී ඇති බැවින් කාබනික පොහොර ප්‍රවර්ධනය කිරීමේ වැඩපිළිවෙළ යටතේ මෙම තීරණය ගත් බවද ඔහු සඳහන් කළේය.