ඉසුරු උදානගේ කැපී පෙනෙන පන්දු යැවීම හමුවේ ජවය ලද ට්‍රින්බාගෝ නයිට්රයිඩර්ස් කණ්ඩායම කැරිබියන් ප්‍රිමියර් ලීග් විසිසයි විස්ස ක්‍රිකට් තරගාවලියේ පැවැති සිව්වැනි තරගයෙන් බාර්බඩෝස් රෝයල්ස් හමුවේ කඩුලු 6ක පහසු ජයක් ලැබීය.
තරගයේ පළමුවෙන් පන්දුවට පහරදුන් බාර්බඩෝස් සියලුදෙනා දැවී රැස්කළ ලකුණු 122ක ඉලක්කය හඹාගිය ට්‍රින්බාගෝ නයිට්රයිඩර්ස් පන්දුවාර 16.5කදී කඩුලු 4ක් දැවී ලකුණු 125ක් රැස්කරමින් අදාළ ජය සපුරා ගැණින.
මෙතෙක් කැරිබියන් ප්‍රිමියර් ලීග් ඉතිහාසයේ ට්‍රින්බාගෝ කණ්ඩායමක් වෙනුවෙන් වාර්තා වූ හොඳම පන්දු යැවීම සටහන් කළ ඉසුරු උදාන ලකුණු 21කට කඩුලු 5ක් දවා ගනිමින් තරගයේ වීරයා බවට පත් විය.
ඉසුරු උදාන ප්‍රමුඛ ට්‍රින්බාගෝ පන්දු යවන්නන් හමුවේ බාර්බඩෝස් වෙනුවෙන් ලකුණු 20 සීමාව ඉක්මවා යා හැකි වූයේ ග්ලේන් පිලිප්ස් (24) සහ අසාම් ඛාන්ට (30) පමණි.
ට්‍රින්බාගෝ ජයග්‍රහණය ඉක්මන් කළ නායක කිරන් පොලාඩ් හයේ පහර 6ක් සහ හතරේ පහර 3ක් සමගින් පන්දු 30කදී නොදැවී ලකුණු 58ක් රැස්කර ගත්තේය.
https://youtube.com/watch?v=_mpSB6obECA%3Fwmode%3Dtransparent%3Ffeature%3Doembed
More Stories
වනිඳු, කුසල්, චමරි ICC සම්මානයට නිර්දේශ වෙයි
ශ්‍රී ලංකා ක්‍රිකට් ඒ කණ්ඩායමට තීරණාත්මක දවස
පැරිස් පැරාලිම්පික් ක්‍රීඩා උළෙල ඇරඹීමට සූදානම්