රටේ සෑම දෙනාටම කොරෝනා මර්දන එන්නත් ලබාදීමේ අවශ්‍යතාවක් නැතැයි වයිරස පිළිබඳ ප්‍රකට විද්‍යාඥයකුවන මහාචාර්ය තිස්ස විතාරණ මහතා පැවැසීය.
රටේ වයස 60ට වැඩි සහ දියවැඩියාව අධික රුධිර පීඩනය ,හෘදයාබාධ යනාදී නිදන්ගත රෝගවලින් පෙළෙන ජනතාවට පමණක් එන්නත ලබාදීම ප්‍රමාණවත් බවද ඔහු සඳහන් කළේය.
රටේ සියයට අසූවකට වැඩි ප්‍රමාණයකට මෙම වයිරසයේ බලපෑම ඉතාම අඩු බවත් එය හරියට හෙම්බිරිස්සාව වැළදීමෙන් ඇතිවන තත්වයට සමාන බවත් මහාචාර්යවරයා ප්‍රකාශ කළේය.
ඒ සියයට අසූවේ පිරිසට ප්‍රතිශක්තිය ඉබේම හටගන්නා බව පැවසූ විතාරණ මහතා රටේ සියලුම දෙනාට කොරෝනා එන්නත් ලබාදීම මුදල් නාස්තිවන වැඩකැයිද ඔහු පැවසුවේය.
කොරෝනා මරණ සම්බන්ධයෙන් අප කළ විමසුමකදී මහාචාර්ය තිස්ස විතාරණ මහතා සඳහන් කළේ රටක් හැටියට ගත් කල ශ්‍රී ලංකාවේ කොරෝනා මරණ සංඛ්‍යාව පවතින්නේ ඉතාම අඩු අගයක බවයි.
එය සියයට 1.5 ක පමණ අගයකැයිද ඔහු පැවසුවේය.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්