මෙරට තුළ කොරෝනා වෛරසයේ දෙවැනි රැල්ලක් ඇති වීමේ ඉතා ඉහල අවදානමක් ඇති බව පෙනෙන්නට ඇතැයි සෞඛ්‍ය සේවා අධ්‍යක්ෂ ජනරාල් වෛද්‍ය අනිල් ජාසිංහ මහතා සඳහන් කරයි.
අද වනවිට මෙරට ජනතාව කොරෝනා වසංගතය අමතක කරමින් කටයුතු කරන බවක් පෙනී යන නිසා මෙම තත්ත්වය ඇති වී තිබෙන බවද ඔහු පැවසීය.
කොරෝනා වසංගතය පාලනය කිරීම සඳහා පනවා ඇති සෞඛ්‍ය මාර්ග උපදේශන සීමාවන් අනුව ජනතාව අනිවාර්යෙන්ම කටයුතු කළ යුතු බවත් ඒවා ඉවත් කරන දිනයක් පැවසිය නොහැකි බවත් ඔහු සඳහන් කළේය.
මේ අතර මහජන සෞඛ්‍ය පරීක්ෂකවරුන්ගේ සංගමය සභාපති උපුල් රෝහණ මහතා සඳහන් කරන්නේ කොරෝනා පාලනය සඳහා ලබාදී ඇති සෞඛ්‍ය උපදෙස් ජනතාව නොසලකා හරින බවක් පෙන්නුම් කරන නිසා ඉදිරි දෙසතිය තුළ රටේ වසංගතය ව්‍යාප්ත වීමේ තර්ජනයට දැඩිව මුහුණ පෑමට සිදුවිය හැකි බවයි.
More Stories
තැපැල් ඡන්ද සලකුණු කිරීම ඇරඹේ
විදෙස් ප්‍රේෂණ ප්‍රමාණය ඉහළට
ජනපති සමඟ එක්ව IMF ගිවිසුම සංශෝධනය කරන්න සජිත් සුදානම් – සජිත්