සීග්‍රයෙන් පැතිර යන කොවිඩ් සහ ඩෙංගු යන රෝග දෙකම මේ දිනවල එක් පුද්ගලයෙකුට වැලඳිය හැකි බවත් එවන් විටක ඇතිවිය හැකි සංකූලතාවන් වැඩි විය හැකි බවත් ඩෙංගු මර්දන වැඩසටහනේ ප්‍රජා වෛද්‍ය විශේෂඥ හිමාලි හේරත් අනතුරු අඟවා සිටින්නීය.
ඩෙංගු වයිරස් කාණ්ඩ හතරම මේ දිනවල පැතිර යන බැවින් ඩෙංගු රෝගීන්ගේ අසාමාන්‍ය වර්ධනයක් දැකිය හැකි යැයි කී ඇය මෑත කාලය තුළ ඩෙංගු ප්‍රභේද හතරම එකවර පැතිර ගියේ මෙම කාලය තුළ බවද පැවැසුවාය.
මෙහිදී වැඩි වශයෙන් දෙවන සහ තුන්වන ප්‍රභේදයන් පැතිර යන බව සිදුකරන ලද පර්‌යේෂණයන්ගෙන් තහවුරු වී ඇති නිසා උණ රෝගය සෑදී දෙවන දිනයේදීම වෛද්‍ය ප්‍රතිකාරයන් සඳහා යොමුවීම ඉතාමත් වැදගත් බවත් කොවිඩ් රෝගයට බියවී ප්‍රතිකාර සඳහා රෝහල්වෙත යෑම ප්‍රතික්ෂේප කිරීම කිසිවිටකත් නොකළ යුතු තත්ත්වයක් යැයිද ඇය පෙන්වාදේ.
ඩෙංගු රෝගයේදී රෝහල් ගත වීම ප්‍රමාද වීමෙන් රෝගියාට දරුණු තත්ත්වයන් ඇතිවීම වැළැක්විය නොහැකි වනු ඇතැයි ද වෛද්‍ය හිමාලි අවධාරණය කරයි.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ