කොවිඩ් රෝගීන් ගැන දැනුම් දෙන්න අංකයක්

තත්ත්වය බරපතළ නැත්නම් රෝගියා ප්‍රතිකාර මධ්‍යස්ථානයකට

කොවිඩ් ආසාදිතයින් රෝහල්ගත කිරීමේ දී ඔවුන් ට ඇති වන ගැටලු නිරාකරණය කර ගැනීම සඳහා නව දුරකථන අංකයක් සෞඛ්‍ය අමාත්‍යාංශය හඳුන්වා දී තිබේ.

ඒ අනුව 1999 හෝ 0117 966 366 යන දුරකථන අංකය ඇමතීමෙන් අදාළ පුද්ගලයින්ට ඒ සඳහා අවශ්‍ය සහය ලබාගැනීමට හැකියාව හිමිවේ.

යම් රෝහලකට රෝගීන් ගෙන යෑමේ දී තත්ත්වය බරපතළ නොමැති නම් ඔවුන් ව සෞඛ්‍ය වෛද්‍ය නිලධාරී හරහා ප්‍රතිකාර මධ්‍යස්ථානයකට ගෙන යෑම ඉතා යෝග්‍ය බව සෞඛ්‍ය අමාත්‍යාංශයේ මාධ්‍ය ප්‍රකාශක, විශේෂඥ වෛද්‍ය හේමන්ත හේරත් මහතා පවසා සිටියේය.