කොවිඩ් -19 අර්බුදය හේතුවෙන් තාවකාලිකව අත්හිටුවා තිබූ කෝප් හෙවත් පොදු ව්‍යාපාර පිළිබඳ කාරක සභාවේ කටයුතු අද(20) නැවත ආරම්භ කෙරෙනවා.
එහි සභාපති මහාචාර්ය චරිත හේරත් මහතා කියාසිටියේ සෞඛ්‍ය රෙගුලාසිවලට අනුව රැස්වීම් පැවැත්වීමට කටයුතු යොදා ඇති බවයි.
අද දිනයේ කෝප් කමිටුව හමුවට කැඳවීමට නියමිතව ඇත්තේ මාර්ග සංවර්ධන අධිකාරිය, මහාමාර්ග අමාත්‍යාංශයේ සහ අදාල ව්‍යාපෘති කළමනාකරණ ඒකකයේ නිළධාරීන්.
ඒ අනුව මාර්ග සංවර්ධන අධිකාරියේ සභාපති, මහාමාර්ග අමාත්‍යාංශයේ ගණකාධිකාරී, අදාල ව්‍යාපෘති ඒකකයේ ව්‍යාපෘති අධ්‍යක්ෂ ඇතුළු නිළධාරීන් 07 දෙනෙකු පාර්ලිමේන්තුවට කැඳවා තිබෙනවා.
මධ්‍යම අධිවේගී මාර්ගයේ ශක්‍යතා අධ්‍යයනය සහ ප්‍රසම්පාදන ක්‍රියාවලිය පිළිබඳ සිදුකර ඇති විශේෂ විගණන වාර්ථාව මෙහිදී අධ්‍යනයට ලක් කරන බව කෝප් කමිටු සභාපතිවරයා සඳහන් කලා.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට