දිගු කලක් සේවය කළ නායක ෂින්සෝ අබේ වෙනුවට ඔහුගේ දකුණත මිනිසා වන යොෂිහයිඩ් සුගා ජපානයේ පාර්ලිමේන්තුව අගමැති ලෙස තෝරා පත් කර ගනී
අසනීප තත්ත්වය හේතුවෙන් ඉල්ලා අස් වූ අබේගෙන් පසුව තමා ධුරයට පත්වන බවට සහතික වෙමින් සුගා පාලක පක්ෂයේ නායකයා ලෙස සඳුදා තෝරාගෙන තිබුණි. අබේ රජයේ ප්‍රධාන කැබිනට් ලේකම් ලෙස කටයුතු කළ සුගා තමාගේම කැබිනට් මණ්ඩලයක් දියත් කිරීමට නියමිතයි.
ගොවියාගේ පුතෙකු මෙන්මහිටපු කාඩ්බෝඩ් කර්මාන්තශාලා සේවකයෙකු වන සුගා සාමාන්‍ය ජනතාවගේ සහ ග්‍රාමීය ප්‍රජාවන්ගේ අවශ්‍යතා වෙනුවෙන් සේවය කරන බවට පොරොන්දු වී ඇත.
ඔහු පවසා ඇත්තේ තමා අබේගේ නිම නොකළ ප්‍රතිපත්ති අනුගමනය කරන බවත්, ඔහුගේ ප්‍රමුඛතා වනුයේ කිරීටක වෛරසයට එරෙහිව සටන් කිරීම සහ වසංගතයෙන් පීඩා විඳින ආර්ථිකය ගොඩගැනීම බවයි.
70% ක ඡන්ද ප්‍රතිශතයක් ලබා ගනිමින් සුගා සඳුදා ලිබරල් ඩිමොක්‍රටික් පක්ෂයේ නායකයා ලෙස තේරී පත් වූ නමුත් ඔහුට නිල වශයෙන් අගමැති වීමට පෙර රටේ ජාතික ව්‍යවස්ථාදායකය වන ඩයට්ගේ සහාය අවශ්‍ය විය.
ඔහු පහළ මන්ත්‍රී මණ්ඩලයේ ඡන්ද 465 න් 314 ක් සහ ඉහළ සභාවේ ඡන්ද 240 න් 142 ක් ලබා ගනිමින් ඩයට් ඡන්දය දිනා ගත්තේය.
නව අග්‍රාමාත්‍යවරයා ඊළඟට සිය කැබිනට් මණ්ඩලය ප්‍රකාශයට පත් කරනු ඇති අතර, හිටපු අබේ පත්කිරීම්කරුවන් විශාල සංඛ්‍යාවක් ඊට ඇතුළත් වනු ඇතැයි අපේක්ෂා කෙරේ.
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
චීනයේ විදේශ වෙළඳාමේ කැපීපෙනෙන වර්ධනයක්