චන්දිමාල්ගෙන් ක්‍රිකට් බළධාරීන්ට විශ්ලේෂණාත්මක ලිපියක්

ශ්‍රී ලංකා ක්‍රිකට් කණ්ඩායමේ හිටපු නායක දිනේෂ් චන්දිමාල් ක්‍රිකට් කමිටුවේ සභාපති අරවින්ද ද සිල්වා මහතා වෙත ලිපියක් යොමුකර තිබෙනවා. ඒ ක්‍රිකට් කමිටුව හා ජාතික තේරීම් කමිටුව හමු වී සාකච්ඡා කිරීම සඳහා අවස්ථාවක් ඉල්ලමිනි.

පසුගිය කාලයේදී ශ්‍රී ලංකා ක්‍රිකට් කණ්ඩායම තෝරා ගැනීමේදී අනුගමනය කළ ක්‍රමවේදය හේතුවෙන් තමන් දැඩි ව්‍යාකූල තත්වයට පත්ව ඇති බව පෙන්වා දෙන චන්දිමාල් එ් හේතුවෙන් තමාගේ ක්‍රීඩා විලාසයට දැඩි බලපෑමක් එල්ල වී ඇති බව සිය ලිපියෙන් අවධාරණය කරනවා. තම ක්‍රිකට් අනාගතය සම්බන්ධයෙන් තීරණයක් ගැනීමට පෙර බළධාරීන් සමග සාකච්ඡා කළයුතු බවයි ඔහු වැඩිදුරටත් පවසන්නේ.

චන්දිමාල් සිය ලිපිය හරහා හිටපු පිතිකරුවන් කිහිප දෙනෙකුගේ දත්ත පිළිබඳව විශ්ලේෂණයක්ද ඉදිරිපත් කර තිබෙනවා.