ඇමරිකාව තම රටේ නව කොරොනා වසංගතය පිළිබඳ තොරතුරු හා අදාළ දත්ත හැකි ඉක්මනින් බෙදා ගත යුතු බව චීන විදේශ අමාත්‍යංශය පවසයි.
චීනයේ නව වෛරස් ප්‍රභේදය සොයා ගෙන නොමැති වුවද යුරෝපා රටවල් චීන සංචාරකයන් කෙරෙහි සීමා ප්‍රතිපත්ති ක්‍රියාත්මක කර තිබේ. මේ අතර, ඇමරිකාවේ XBB.1.5 වෛරස් ප්‍රභේදය හමු වී තිබුණද, සෙසු රටවල් එරට කෙරෙහි විශේෂ පියවර ගෙන නොමැති බවට ලෝක සෞඛ්‍ය සංවිධානය පසුගියදා පැවැත්වූ මාධ්‍ය හමුවකදී, වාර්තාකරුවෙක් ප්‍රශ්න කර ඇතැයි වාර්තා වේ.
ඒ පිළිබඳව, චීන විදේශ අමාත්‍යංශ ප්‍රකාශක Wang Wenbin මහතා අද (17) පැවසුවේ, වර්තමානයේ චීනයේ පැතිරෙන වෛරස් ප්‍රභේදය යුරෝපය ඇතුළු ප්‍රදේශවල මීට පෙර ද ව්‍යාප්ත වී ඇති බව ලෝක සෞඛ්‍ය සංවිධානයේ යුරෝපයේ අධ්‍යක්ෂවරයා පසුගියදා නිවේදනය කර ඇති බවයි. චීනයේ වසංගතය වත්මන් යුරෝපයේ වසංගත ව්‍යාප්තියට විශාල බලපෑමක් සිදු නොවනු ඇතැයි ද එම අධ්‍යක්ෂවරයා වැඩි දුරටත් පවසා ඇත. යුරෝපා රටවල් සංචාරකයන්ට වසංගත පාලනය පිළිබඳ ප්‍රතිපත්ති ක්‍රියාත්මක කරන්නේ නම්, එම ප්‍රතිපත්ති විද්‍යාත්මක, සුදුසු හා සාධාරණ විය යුතු බව ද Wang Wenbin මහතා සඳහන් කළේය.
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
චීනයේ විදේශ වෙළඳාමේ කැපීපෙනෙන වර්ධනයක්