චීනයේ Gansu පළාතේ Jishishan කෝරළයේ හටගත් භූමිකම්පාවකින් 100 කට අධික පිරිසක් ජීවිතක්ෂයට පත්වෙති. බෙයිජිං වේලාවෙන් ඊයේ (18) රාත්‍රී 11:59 ට සිදුව ඇති එහි ප්‍රබලතාව රිච්ටර් මාපකයේ 6.2 ක් ලෙස සටහන් විය.
Gansu පළාතේ විපතට පත් 96 දෙනෙකු තුවාල ලබා ඇත. Qinghai පළාතේ ද 11 දෙනෙකු මිය ගිය අතර, 140 දෙනෙකු තුවාල ලබා ඇත. මෙම ප්‍රදේශවල ජලය, විදුලිය, ප්‍රවාහනය හා සන්නිවේදන පහසුකම්වලට ද හානි සිදුව තිබේ.
චීන ජනාධිපති ෂී ජින් පිං මහතා හා අගමැති ලී ච්‍යං මහතා මුදාගැනීමේ මෙහෙයුම් සඳහා අදාළ නිලධාරීන්ට උපදෙස් දී ඇත. ජීවිත හානි අවම කිරීම සඳහා, විපතට ලක්වූවන් කඩිනමින් මුදාගැනීමටත්, වෛද්‍ය සේවා සහතික කිරීමටත් උපරිම පියවර ගත යුතු බව ද දැනුම් දෙනු ලැබීය.
ඒ අනුව, චීන රාජ්‍ය මණ්ඩලය විශේෂ ක්‍රියාකාරී කණ්ඩායමක් ආපදා ප්‍රදේශවලට යවා ඇත. භූමිකම්පා සහන මෙහෙයුම් විධිමත්ව ක්‍රියාත්මකයි.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්