චීනය පාසල් සිසුන්ටත් නීතිය උගන්වයි

තරුණ සිසුන්ට පාසල තුළදීම පුලු‍ල් ලෙස නීතිය ඉගැන්වීමේ වැඩසටහනක් ආරම්භ කිරීමට චීන රජය තීරණය කර තිබෙනවා.

විෂයක් ලෙස එරට පාසල් විෂය නිර්දේශයට එක් කර ඇති නීතිය පිළීබඳ අධ්‍යයන කටයුතු පස් වසරක් පුරා ක්‍රියාත්මක කිරීමටයි මූලික සැලසුම වී තිබෙන්නේ.

මෙහිදී චීන ජනාධිපති ෂී ජින් පින්ගේ දැක්ම යටතේ ක්‍රියාත්මක අන්තර්ජාල වාරණ නීති, සංස්කෘතියට අදාළ නීති සම්බන්ධයෙන් පුලු‍ල් ලෙස අධ්‍යාපනය ලබාදීමට නියමිතයි.

කෙසේ වෙතත් මෙම නව විෂය පථය චීන ජනාධිපතිවරයාගේ අදහස් සහ පාලනයේ දැක්ම, එරට තරුණ පරපුර මත බලහත්කාරයෙන් ස්ථාපිත කිරීමට ගත් උත්සාහයක් ලෙසටයි දේශපාලන විවේචකයින් අදහස් දක්වා ඇත්තේ.