චීනය සමග පවතින අභ්‍යවකාශ සහයෝගිතාව දෙස බැලීමේ දී ඇමරිකාවේ සීතල යුද මානසිකත්වය දෙරටේ එම සහයෝගිතාව අකර්මණ්‍ය වීමට මූලික හේතුව බව චීන විදේශ අමාත්‍යංශය පවසයි.
චීනයේ ඇමරිකානු තානාපති R.Nicholas Burns මහතා පසුගිය දා පැවසුවේ චන්ද්‍ර ගවේෂණයේ දී ඇමරිකාව සමග එක්ව කටයුතු කිරීමට චීනය කැමැත්තක් නොදක්වන බවයි.
මේ සම්බන්ධයෙන් අදහස් දක්වමින් චීන විදේශ අමාත්‍යංශ ප්‍රකාශක Wang Wenbin මහතා පැවසුවේ චීන රජය සමානාත්මතාවය, සාමය සහ සහභාගීත්වය මත පදනම්ව විවිධ රටවල් සමග එක්ව අභ්‍යවකාශ හුවමාරු හා සහයෝගිතා පැවැත්වීමට කැමැත්තෙන් පසු වන බවයි.
ඇමරිකාව සමග එවැනි ක්ෂේත්‍ර තුළ සහයෝගිතා පැවැත්වීම පිළිබඳව විවෘත ආකල්පයක් දරන චීනය, චීන-ඇමරිකා සිවිල් අභ්‍යවකාශ සංවාද ක්‍රමවේදය මේ වනවිටත් ගොඩනගා තිබේ. නමුත්, එරට එම සහයෝගිතාවන්ට බාධා එල්ල කර චීනයේ ඒ හා සම්බන්ධ ව්‍යවසායන්ට ද අත්තනෝමතික ව සම්බාධක පනවා ඇති බවද චීන විදේශ අමාත්‍යංශ ප්‍රකාශකයා පෙන්වා දී ඇත.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්