චීන – ඇමරිකා සබඳතා ඔස්සේ තහවුරු වන පුළුල් අවබෝධය චීන විදේශ අමාත්‍ය වං යී මහතා විග්‍රහ කරයි. එම ද්විපාර්ශ්වික සබඳතාවන් හි ස්ථාවර පදනම වන්නේ සාමය බව ද ඔහු අවධාරණය කරයි.
චීන කොමියුනිස්ට් පක්ෂයේ මධ්‍යම කාරක සභාවේ දේශපාලන කාර්යාංශ සාමාජික, විදේශ අමාත්‍ය වං යී මහතා මේ අදහස් පළ කළේ, චීනය සහ ඇමරිකාව අතර රාජ්‍යතාන්ත්‍රික සබඳතා පිහිටුවීමේ 45 වැනි සංවත්සරය නිමිත්තෙන් බෙයිජිං අගනුවර පැවති උත්සවයකට එක්වෙමිනි.
චීන – ඇමරිකා සබඳතා කලක් තිස්සේ විවිධ විපර්යාසයන්ට ලක් ව තිබේ. ඒවායින් වැදගත් පාඩම් රැසක් ද මේ වනවිට පැහැදිලි වී ඇත. එනම්, ලොව ප්‍රධාන රටවල් දෙක අතර කිසිදු ගැටුමක් හෝ අර්බුදයක් නොපැවතීම සමස්ත මනුෂ්‍ය වර්ගයාටම සාමයේ ලාභාංශය තිළිණ කරන බව යි.
සැන් ෆ්‍රැන්සිස්කෝ නුවර දී රාජ්‍ය නායකයන් දෙදෙනා එළඹුණු එකඟතා ක්‍රියාත්මක කිරීම පිළිබඳ යෝජනා කිහිපයක් ද විදේශ ඇමතිවරයා මෙහිදී ඉදිරිපත් කළේය.
ආධිපත්‍යය හඹා යාම හෝ කිසිවෙකු අභිභවා යාමේ කිසිදු අදහසක් චීනයට නොමැති බව ද හෙතෙම අවධාරණය කළේය. අන්‍යෝන්‍ය ගෞරවය මත පදනම් වූ ස්ථාවර, ශක්තිමත් මෙන්ම තිරසර චීන-ඇමරිකා සබඳතාවක් ගොඩනැගීමට චීනය කැපවී සිටින බව ද වං යී මහතා පැවසීය.
More Stories
ප්‍රමාද වූ සියලු පාස්පෝට් මාසයක් ඇතුළත නිකුත් කිරීමට පියවර
චීනයේ ග්‍රාමීයව ජීවත් වන සාමාන්‍ය පුද්ගලයකුගේ වැය කළ හැකි ශේෂය 2024 වසරේ දී කැපී පෙනෙන වර්ධනයක
ගෝලීය කටයුතුවලදී ජර්මනිය සහ යුරෝපා සංගමය වැදගත් කාර්යභාරයක් ඉටු කිරීම, චීනයට සතුටක්– චීන විදේශ අමාත්‍යංශය