චීන කොමියුනිස්ට් පක්ෂයේ මධ්‍යම කාරක සභාවේ දේශපාලන කාර්යාලයේ සාමාජික විදේශ ඇමති වං යී මහතා අද(5) බෙයිජංහි පැවති ලෝක මානව හිමිකම් ප්‍රකාශනය පළ කිරීමේ 75 වැනි සංවත්සර සැමරුම් පිළිබඳ ජාත්‍යන්තර වැඩමුළුවේ සමාරම්භක උත්සවයට එක් වෙමින් ප්‍රධාන දේශනයක් සිදු කළේය.
ලෝක මානව හිමිකම් ප්‍රකාශනය, ලෝක මානව හිමිකම් වර්ධනයට ගැඹුරු බලපෑම් සිදු කර ඇති බව වං යී මහතා එහිදී පැවසීය. චීනය තෝරා ගන්නා මානව හිමිකම් වර්ධන මාවත චීනයේ තත්ත්වය හා ජනතාවගේ අපේක්ෂාවට ගැළපෙන බව හෙතෙම කීය. චීනය දැඩි ලෙස මානව හිමිකම් ප්‍රවර්ධනය කරනු ඇත. ලෝක මානව හිමිකම් ප්‍රකාශනය ක්‍රියාවට නංවමින් චීනය ගෝලීය මානව හිමිකම් පාලනයට සක්‍රීය ලෙස එක් වනු ඇති බව වං යී මහතා අවධාරණය කළේය.
චීන මානව හිමිකම් වර්ධන අරමුදල විසින් සංවිධාන කරන ලද මෙවර වැඩමුළුවට ආසියා, අප්‍රිකා, ලතින් ඇමරිකා හා යුරෝපයේ විවිධ රටවල්, එක්සත් ජාතීන්ගේ මානව හිමිකම් මහ කොමසාරිස් කාර්යාලයේ උසස් නිලධාරීන්, තානාපතිවරුන්, උගතුන් හා සිවිල් සංවිධානවල නියෝජිතයන් සහභාගි වී තිබේ.
More Stories
චීන භූකම්පන විශේෂඥයින් ඇතුළු 400ක පමණ පිරිසක් මියන්මාරයේ සහන සැලසීමේ කටයුතුවල නිරතව සිටී- චීන විදේශ අමාත්‍යංශය
චීනය ජාත්‍යන්තර සමාගම්වල ආයෝජනයේ ප්‍රමුඛතම තේරීමක්
මියන්මාරයට සතියක ශෝක කාලයක්