චීන අග්‍රාමාත්‍ය Li Qiang මහතා සහ වියට්නාමයේ අග්‍රාමාත්‍ය Pham Minh Chinh මහතා චීන-වියට්නාම ව්‍යාපාරික නියෝජිතයන්ගේ සහභාගීත්වයෙන් පැවති සම්මන්ත්‍රණයට සහභාගී වූහ. ඒ ඊයේ (13) වියට්නාමයේ හැනෝයි නගරයේදී ය.
මෑත වසරවලදී දෙපාර්ශ්වයේම ඒකාබද්ධ ප්‍රයත්නයන් සමග චීන-වියට්නාම සබඳතා ක්‍රමානුකූලව වර්ධනය වී ඇති අතර ප්‍රායෝගික සහයෝගීතාවයෙන් ඵලදායි ප්‍රතිඵල අත්කරගෙන ඇති බව Li Qiang මහතා පැවසීය. සාම්ප්‍රදායික සමාජවාදී අසල්වැසියන් ලෙස දෙපාර්ශ්වයේ දියුණුව එකිනෙකාට වැදගත් අවස්ථාවක් වනු ඇත.
දෙරටේම ව්‍යවසායකයින් නව යුගයේ ප්‍රවණතාවයට ක්‍රියාකාරීව අනුගත වෙමින්, අවස්ථාවන් මනාව අත්පත් කර ගෙන පවතින සහයෝගීතාව තවදුරටත් ශක්තිමත් කර ගනු ඇතැයි තමා බලාපොරොත්තු වන බව Li Qiang මහතා පෙන්වා දුන්නේය. ව්‍යාපාරික ක්ෂේත්‍රයට පමණක් නොව, චීන-වියට්නාම පොදු සංවර්ධනයට ද එය ඉවහල් වන බව හෙතෙම පැවසීය.
දෙරටේ ව්‍යාපාරික ප්‍රජාවන් අන්‍යෝන්‍ය වෙළඳපොලවල සංවර්ධන අපේක්ෂාවන් පිළිබඳව සුභවාදී ආකල්පයක සිටින අතර සහයෝගීතාව ශක්තිමත් කිරීම කෙරෙහි දැඩි විශ්වාසයකින් සිටින බව සහභාගී වූ ව්‍යවසාය නියෝජිතයෝ පැවසූහ. ඒ සඳහා මූල්‍ය, ප්‍රවාහන සහ යටිතල පහසුකම් ඉදිකිරීම්, ඩිජිටල් ආර්ථිකය සහ අනෙකුත් ක්ෂේත්‍රවල සහයෝගීතාව ප්‍රවර්ධනය කිරීමට අපේක්ෂා කරන බව ද ඔවුන් සඳහන් කර ඇත.
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
චීනයේ විදේශ වෙළඳාමේ කැපීපෙනෙන වර්ධනයක්