ජාතික දින නිවාඩුව සහ මැද සරත් සෘතුවේ උත්සවය වෙනුවෙන් චීන ජනතාවට දින 12 ක නිවාඩුවක් හිමිව ඇත. ඒ අනුව නිවාඩුවේ තුන්වන දිනය වන ඊයේ (29) චීනයේ මගී දුම්රිය සංචාර සංඛ්‍යාව මිලියන 20.098 ක් බව සීමාසහිත චීන රාජ්‍ය දුම්රිය සමාගම පවසයි.
සමාගමට අනුව, මෙය දෛනික මගී දුම්රිය සංචාර ප්‍රමාණයට සාපේක්ෂව වාර්තාගත ඉහළ සංඛ්‍යාවක් සනිටුහන් කරයි. අද(30) දිනයේ මගී දුම්රිය සංචාර සංඛ්‍යාව මිලියන 17.6 ක් වනු ඇතැයි අපේක්ෂා කරන අතර මුළු මගී දුම්රිය 12,180 ක් ඒ වෙනුවෙන් ධාවනයට යොදවා ඇති බව සමාගම සඳහන් කරයි.
සැප්තැම්බර් 27 වන දා සිට ඔක්තෝබර් 8 දක්වා පවතින මෙම මගී සංචාර හේතුවෙන් මුළු රට තුළ මිලියන 190 ක පමණ මගී දුම්රිය සංචාර ප්‍රමාණයක් අපේක්ෂා කරන බව ද සමාගම පවසයි.
More Stories
යුරෝපා කවුන්සිලයේ සභාපතිවරයාට චීන ජනපතිගෙන් සුබ පැතුම්
ඇමරිකාවේ Los Angeles හි ලැව්ගිනි තත්ත්වයෙන් මිය ගිය අය වෙනුවෙන් චීනය සංවේගය පළ කරයි
චීන විදේශ ඇමතිවරයා ජපාන හා වියට්නාම නියෝජිතයන් පිරිසක් අතර හමුවෙයි