ජුනි පළමුවනදාට යෙදෙන ජාත්‍යන්තර ළමා දිනය නිමිත්තෙන් චීන ජනාධිපති ෂීජින්පිං මහතා අද(31) බෙයිජිං නගරයේ යූයිං විද්‍යාලයට පැමිණ එහි ගුරුවරුන් හා සිසුන්ගේ සුවදුක් විමසා රටේ සමස්ත දරුවන් වෙත සුබ පැතුම් ද පිරිනැමුවේය.
දරුවන් රටේ අනාගතය මෙන්ම චීන ජාතියේම බලාපොරොත්තුව ද වේ. නව යුගයේ චීනයේ දරුවන්, සිය ජීවිතය ඉලක්ක හා සිහිනයන්ගෙන් යුක්තව අධ්‍යාපන කටයුතු හා ප්‍රායෝගික ක්‍රියාකාරකම්වලට වැඩි සැලකිල්ලක් දක්වන, කෘතගුණ සහිත, මිත්‍රශීලි, කරුණාවන්ත සහනිර්මාණශීලිත්වයට උනන්දුවක් ඇති පරපුරක් විය යුතු යැයි ෂී ජින්පිං මහතා පැවසීය.
ඒ අනුව, චීන දරුවන්, ආචාරශීලි, දැනුමැති, ක්‍රීඩාවන්ට හා ප්‍රායෝගික ක්‍රියාකාරකම්වලට දක්ෂ, මනා සෞන්දර්ය ආකල්පයන්ගෙන් යුතු, පූර්ණ ක්ෂේත්‍රවලින් වර්ධනය වන පරපුරක් විය යුතු බව ද ඔහු කියාසිටියි. සිය දෙමව්පියන්ගේත්, චීන කොමියුනිස්ට් පක්ෂයේත්, ජනතාවගේත් අපේක්ෂාවන්ට සරිලන සේ, ශිෂ්‍ය ශිෂ්‍යාවන් ශක්තිමත් මාතෘභූමියක් බිහි කිරීමට හා ජාතික පුනර්ජීවනය පිළිබඳ ඉලක්ක සාක්ෂාත් කිරීම සඳහා උද්‍යෝගයෙන් අධ්‍යාපන ලැබිය යුතු බව ද හෙතෙම අවධාරණය කර ඇත.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්