කොවිඩ් සඳහා ඖෂධ දෙකක් මිශ්‍ර කර ලබාදෙන ‘රීජන් කොව්’ මෙරටට ගෙන්වීමට ඊයේ (31 වැනිදා) අවසර ලබා දුන් බව ඖෂධ සැපයීම, නිෂ්පාදනය පිිළිබඳ රාජ්‍ය අමාත්‍යාංශය පවසයි.
ඖෂධ පිළිබඳ විද්වත් කමිටුව රැස් වී ඊට අවසර ලබා දුන් අතර එක් ඖෂධයක මිල රුපියල් ලක්ෂය ඉක්මවන බවද අමාත්‍යාංශය පෙන්වා දෙයි.
ඇමරිකාවේ නිෂ්පාදනයක් වන මෙම ඖෂධය එරට හිටපු ජනාධිපති ඩොනල්ඩ් ට්‍රම්ප්ටද කොවිඩ් අසාදනය වූ විට ලබා දුන් බව රාජ්‍ය අමාත්‍යාංශය සඳහන් කරයි.
එම ඖෂධයක් ඇමරිකාවේ මිල ඩොලර් 4000ක් වන අතර ආසියානු රටවලට අඩු මිලකට ලබා දීමට නිෂ්පාදිත සමාගම එකඟ වී තිබේ.
මෙම ඖෂධය සඳහා ජාතික ඖෂධ නියාමන අධිකාරිය ජුනි මස 23 වැනිදා අනුමැතිය ලබා දී 26 වැනිදා අවලංගු කරන ලදී. මෙම ඖෂධය ලබා දීමෙන් කොවිඩ් ආසාදිතයන් රැසකගේ ජීවිත ආරක්ෂා කර ගත හැකි බව වෛද්‍යවරු පවසයි. අසාධ්‍ය රෝගීන් වෙනුවෙන් මෙය ලබා දීමට නියමිතය.
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
චීනයේ විදේශ වෙළඳාමේ කැපීපෙනෙන වර්ධනයක්