මේ වන විට පාර්ලිමේන්තුවේ කටයුතු ආරම්භ කර ඇති අතර ඒ අනුව නාමයෝජනා භාර ගැනීමේ කටයුතු ආරම්භ කර තිබෙනවා. ඒ අනුව පළමු නාමයෝජනාව ලෙස විපක්ෂ නායකවරයා විසින් ඩලස් අලහප්පෙරුමගේ නම යෝජනා කළ අතර එය ස්ථිර කරනු ලැබුවේ ශ්‍රී ලංකා පොදු ජන පෙරමුණේ සභාපති ජී.එල් පීරිස් විසින්.
දෙවන නාමයෝජනාව ලෙස සභා නායක දිනේෂ් ගුණවර්ධන විසින් වැඩබලන ජනාධිපති රනිල් වික්‍රමසිංහගේ නම යෝජනා කළ අතර එය ස්ථිර කළේ මනූෂ නානායක්කාර විසින්. තුන්වන නාමයෝජනාව ලෙස ජනතා විමුක්ති පෙරමුණේ විජිත හේරත් විසින් එහි නායක අනුර කුමාර දිසානායක යෝජනා කළ අතර එය ස්ථිර කළේ, එහි පාර්ලිමේන්තු මන්ත්‍රී හරිනි අමරතුංග විසින් ස්ථිර කළා.
ඒ අනුව රනිල් වික්‍රමසිංහ, ඩලස් අලහප්පෙරුම සහ අනුර කුමාර දිසානායක යන අය හෙට දිනයේ ජනාධිපති ධුරය සඳහා තරඟ වැදීමට නියමිතයි.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්