ඇෆ්ගන් තලේබාන් අර්බුදයට කඩිනමින් විසඳුමක් අවශ්‍ය බව පෙන්වා දෙමින්, ඒ සම්බන්ධයෙන් සාකච්ඡා පැවැත්වීමට රුසියානු ජනාධිපති පුටින් ඇමෙරිකාවට, චීනයට සහ පාකිස්තානයට ඇරයුම් කර තිබේ.
මේ වනවිට ඇෆ්ගනිස්තානයේ ප්‍රචණ්ඩ ක්‍රියා ඉහළ ගොස් ඇත්තේ, ඇමෙරිකාව ප්‍රමුඛ නේටෝ හමුදා එරටින් පිටවී යෑමට පටන් ගත් බැවිනි. ඇමෙරිකාව ඇෆ්ගනිස්තානයෙන් හමුදා ඉවත් කර ගැනීම සිදු කරන්නේ ඇෆ්ගන් රජය සහ තලේබාන් සංවිධානය අතර, සාම වැඩපිළිවෙළක් සකස් කර දීමෙන් අනතුරුවය. කෙසේ නමුත් එම සාම වැඩපිළිවෙළ මේ වනවිට අසාර්ථක වී තිබේ.
ඇෆ්ගනිස්තානයේ තත්ත්වය දිනෙන් දින නරක අතර හැරෙමින් පවතින බවත්, ඇෆ්ගන් රජය සහ තලේබාන් අතර සවිමත් සාම වැඩපිළිවෙළක් අත්‍යාවශ්‍ය බවත් රුසියන් ජනාධිපති පුටින් පෙන්වා දී ඇත.
ඇෆ්ගනිස්තානය තලේබාන් ත්‍රස්තවාදීන්ගේ ග්‍රහණයට නතුවීම කලාපීය ආරක්ෂාවට පමණක් නොව ගෝලීය ආරක්ෂාවට ද තර්ජනයක් බවත් රුසියන් ජනාධිපති පුටින් පෙන්වා දී ඇත. මේ අතර සාකච්ඡා සඳහා තමන්ට ආරාධනා නොකිරීම සම්බන්ධයෙන් ඉන්දියාව රුසියානු ජනාධිපති පුටින්ට අප්‍රසාදය පළ කර ඇතැයි ද විදෙස් පුවත් සේවා සඳහන් කරයි.
More Stories
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට
ඊශ්‍රායල අග්‍රාමාත්‍යවරයා සහ හිටපු ආරක්ෂක අමාත්‍යවරයා අත්අඩංගුවට ගැනීමේ ජාත්‍යන්තර වරෙන්තුවට තුර්කියේ සහාය
චීන ජනපතිගේ ලතින් ඇමරිකානු සංචාරය පිළිබඳ චීන විදේශ අමාත්‍යවරයාගෙන් පැහැදිලි කිරීමක්