තීරණාත්මක ඉන්දු ශ්‍රී ලංකා අවසන් T20 තරගය අද

ශ්‍රී ලංකාව සහ ඉන්දියාව අතර පැවැත්වෙන තරග 3 කින් සමන්විත පන්දුවාර විස්සයි විස්ස තරගාවලියේ අවසන් තරගය අද පැවැත්වීමට නියමිතයි.

ඊයේ (28) පැවති දෙවන තරගය ජය ගැනීමත් සමඟ ශ්‍රී ලංකා කණ්ඩායමට මෙම තරගාවලිය ජය ගැනීමට අවස්ථාව හිමි වී තිබෙනවා. කෙසේ වෙතත් ඊයේ දිනයේ ක්‍රීඩා කළ ශ්‍රී ලංකා කණ්ඩායමේ තුන් ඉරියව් ක්‍රීඩක ඉසුරු උදාන ආබාධයකට ලක්ව තිබෙනවා. එම නිසා ඔහු අද පැවැත්වෙන තරඟයට ක්‍රීඩා නොකරන බවයි වාර්තා වන්නේ.

ඉසුරු උදානගේ ස්ථානයට බොහෝ විට ධනංජය ලක්ෂාන් හෝ ඉෂාන් ජයරත්න ක්‍රීඩා කිරීමට නියමිත බවයි ක්‍රිකට් ආරංචි මාර්ග සඳහන් කළේ.