දිනේෂ් ගුණවර්ධන මහතා ශ්‍රී ලංකාවේ අග්‍රාමාත්‍ය ධුරයට පත්වීම පිළිබඳව චීන අග්‍රාමාත්‍ය ලී ක චිය්‍යන් මහතා සුබ පැතුම් පිරිනමයි.
හෙතෙම ඊයේ (27)එම සුබපැතුම් පණිවුඩය යොමු කර තිබේ. චීනය හා ශ්‍රී ලංකාව අතර ඇත්තේ ගැඹුරු සාම්ප්‍රදායික මිත්‍රත්වයකි. දෙරට මිත්‍ර අසල්වැසි රටවල් වන අතර උපාය මාර්ගික සහයෝගිතා හවුල්කරුවන් ද වන බව ලී ක චිය්‍යන් මහතා සිය සුබ පැතුම් පණිවුඩයේ සඳහන් කරයි. දෙරට අතර රාජ්‍යතාන්ත්‍රික සබඳතාව ස්ථාපිත කර ගතවූ 65 වසර තුළ දෙපාර්ශ්වය සැම විටම අන්‍යෝන්‍ය ලෙස ගරු කරමින් සාධාරණව සලකා දේශපාලන විශ්වාසය අඛණ්ඩව තහවුරු කර තිබේ. අන්‍යෝන්‍ය ජයග්‍රහණ මත සහයෝගිතා පවත්වා අසීරුතාවන් හා අභියෝගයන්ට එක්ව මුහුණ දෙමින් දෙරටේ සබඳතාව විධිමත් හා ස්ථිරව වර්ධනය වී ඇති බව ද ලී ක චිය්‍යන් මහතා කියා සිටී. චීන -ශ්‍රී ලංකා මිත්‍ර සහයෝගිතාවට ස්ථිර ලෙස අනුබල දෙන චීනය, ශ්‍රී ලංකා ජනතාව වත්මන් මුහුණ දෙන තාවකාලීක අසීරුතාවන් පූර්ණව අවබෝධ කර ගනිමින් ශ්‍රී ලංකා ජනතාවට උපරීම සහාය හා අනුබල ලබා දීමට කැමැත්තෙන් සිටී.දිනේෂ් ගුණවර්ධන මහතා සමඟ සංවර්ධනය වෙමින් පවතින රටවල් අතර ඒ ඒ ක්ෂේත්‍ර වල පවතින ප්‍රායෝගික සහයෝගිතා තහවුරු කර දෙරටට හා ජනතාවට ප්‍රතිලාභ ගෙන දීමට කැමැත්තෙන් සිටින බව ද හෙතෙම පැවසීය
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
චීනයේ විදේශ වෙළඳාමේ කැපීපෙනෙන වර්ධනයක්