දුෂ්කරතා සහ අභියෝග ජයගනිමින් ඉදිරියට යාමට චීන ආර්ථිකයට විශ්වාසය හා ශක්තිය ඇති බව චීනය කියාසිටී. චීන විදේශ අමාත්‍යාංශ ප්‍රකාශක Lin Jian මහතා ඊයේ (13) පැවති නිත්‍ය මාධ්‍ය හමුවේ දී මේ බව ප්‍රකාශ කළේය.
ලෝක බැංකුව “ගෝලීය ආර්ථික දැක්ම” නවතම වාර්තාව පසුගිය දා නිකුත් කළේය. එහිදී 2024 වසරේ චීනයේ ආර්ථික වර්ධන පුරෝකථනය 4.5% සිට 4.8% දක්වා ඉහළ නංවා තිබේ.
මේ සම්බන්ධයෙන් අදහස් දක්වමින් Lin Jian මහතා පැවසුවේ, ලෝකයේ දෙවැනි විශාලතම ආර්ථික ඒකකය මෙන්ම ගෝලීය ආර්ථිකයේ වැදගත් කොටසක් ලෙස චීනය ලෝක ආර්ථික වර්ධනය කෙරෙහි දැක්වූ දායකත්වය දිගු කලක් තිස්සේ ඉහළ මට්ටමක පවතින බවයි. චීන ආර්ථිකයේ ස්ථාවර වර්ධනය ලෝක ආර්ථිකයේ ප්‍රකෘතිමත්භාවය සඳහා පුළුල් කාර්යභාරයක් ඉටු කර ඇති බව ද ඔහු සඳහන් කළේය.
එසේම, ගෝලීය නවීකරණ ක්‍රියාවලියේ තිරසර සංවර්ධනය උදෙසා තම අධිගුණාත්මක සංවර්ධනයේ ලාභාංශ හා අවස්ථා ලෝකය සමඟ බෙදා ගැනීමට චීනය සූදානමින් සිටින බව ද Lin Jian මහතා එහිදී පැවසීය.
More Stories
පදනම් විරහිත චෝදනා එල්ල නොකරන්නැයි චීනයෙන් ඇමරිකාවට දැඩි ප්‍රකාශයක්
එක්සත් ජාතීන් සමග පුළුල් සහයෝගීතාවක් පවත්වා ගැනීමට අපේක්ෂා කරන බව චීන විදේශ අමාත්‍යවරයා පවසයි
චීනයේ විදුලි වාහන සම්බන්ධ යුරෝපා සංගමයේ තීරණයට දැඩි විරෝධයක්