කොවිඩ් –19 වයිරසය අසාදානය වීමෙන් වැළකී සිටීමට තමා සහ බිරිඳ මෙන්ම සිව් නිවුන් දරුවන්ද ධම්මිකගේ කොරෝනා පැණිය පානය කළද සියලු දෙනාටම වෛරසය ආසාදනය වූ බව කෑගල්ලේ ප්‍රාදේශීය සභාවේ පොහොට්ටු පක්ෂ මන්ත්‍රී ශිලන්ත විජේපාල මාධ්‍යයට හෙළි කර තිබේ.
වෛරසය ආසාදනය වීම නිසා ඔහුගේ දරුවන් ඇතුළු පවුලේ සියලු දෙනා මේ වනවිටද ඇඹිලිපිටිය යෞවුන් සේනාංක ප්‍රතිකාර මධ්‍යස්ථානයේ සිටින බව හෙළි කර ඇත.
ඔහු පෞද්ගලික දුරකථන සමාගමක විධායක ශ්‍රේණියේ තනතුරක් දරන බවද ප්‍රකාශ කර තිබේ.
මෙම කොරෝනා පැණිය පානය කළ තමාගේ සහෝදරයාට සහ තවත් ඥාති හිතවතුන් රැසකට වෛරසය ආසාදනය වී තිබෙන බව පසුගිය 16 වනදා තහවුරු වී ඇති බව ඔහු වැඩිදුරටත් සඳහන් කර ඇත.
ඔහු මාධ්‍ය කරුණු හෙළි කරමින් මෙම පැණිය පානය කර ප්‍රතිඵල ලබා ගැනීමට ලබා දී තිබූ උපදෙස් මාලාව නිසිලෙස පිළිපිදින ලද බව සඳහන් කර තිබේ. ඔහුගේ වචනවලින් ඔහු පවසන්නේ “මට අවුරුදු 08ක වයසේ පසුවන සිව් නිවුන් දරුවන් සිටිනවා. වැඩි පරිස්සමට ධම්මික පැණිය සිව් නිවුන් දරුවන්ටද ලබා දී මමත් මගේ බිරිඳත් දින දෙකක් නියමිත මාත්‍රාවට පානය කළා. මස් මාළු බිත්තර කෑමෙන් වැලකුණා. වත්පිළිවෙත් අකුරටම රැක්කා. ඒ වගේ දේවල් පැණිය බොන කාලයේ කරන්න එපා කියා උපදෙස් ලැබී තිබුණා. ඒ නිසයි එහෙම කළේ. පැණි බෝතලය ඔහුගේ අතින්මයි ලබාගත්තේ.
ලොකු දුවට උණ හැදුනා. ඒ නිසා ඇය ඇන්ටිජන් පරීක්ෂණය කළා. එම පරීක්ෂණයේදී ඇයට කොරෝනා වෛරසය ආසාදනය වූ බවට තහවුරු වුනා. ඊට පස්සේ අනික් දරුවන් තිදෙනා, මම සහ බිරිඳ එම පරීක්ෂණයට යොමු වුනා. අපිටත් කොරෝනා වෛරසය ආසාදනය වී ඇති බව තහවුරු වුනා.” යනුවෙනි.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ