නයිජීරියාවේ කොගී ප්‍රාන්තයේ දී ඉන්ධන බවුසරයක් පුපුරා යාමෙන් 23 දෙනෙක් මියගොස් තිබේ.
තවත් බොහෝ පිරිසක් බරපතල තුවාල ලබා ඇති බවයි, වාර්තා වන්නේ. අනතුර සිදුව ඇත්තේ,කොහී ප්‍රාන්තයේ අතීශය කාර්ය බහුල අධිවේගී මාර්ගයකයි. මියගිය පිරිස අතර කුඩා ළමයින් ද සිටින බව වාර්තා වෙයි.
ලොකොජා අබුජා අධිවේගී මාර්ගයේ ධාවනය කෙරුණු ඉන්ධන බවුසරය පාලනයෙන් තොරව ගමන් කිරීම හේතුවෙන් මෝටර් රථ 5ක, යතුරුපැදි දෙකක හා ට්‍රයිසිකල් රථ තුනක ගැටී ඇති බව විදෙස් වාර්තාවල සඳහන්. අනතුරට පත් පිරිස කඩිනමින් රෝහල්ගත කිරීමට පියවර ගැනිණ.
මාර්ග නිසි ලෙස නඩත්තු නොකිරීම හා ප්‍රමිතීන්වල දුර්වලතා හේතුවෙන් නයිජීරියාවේ මහා මාර්ගවල මෙවැනි අනතුරු බහුලව සිදුව බව වාර්තා වෙයි.
More Stories
චීන-රුසියා විදේශ අමාත්‍යවරුන් අතර හමුවක්
ඇමරිකාව චීනයට අපහාස කිරීම හා පීඩන එල්ල කිරීම නවතා දැමිය යුතු බව චීන විදේශ අමාත්‍යංශය පවසයි
චීනය පැනමා ඇළ පාලනය කිරීම පිළිබඳ ඇමරිකාවේ ප්‍රකාශය සම්පූර්ණ අසත්‍යයක් – චීනය කියයි