මත්ද්‍රව්‍ය ජාවාරම්කරුවන් සමග සබඳතා පැවැත්වීමේ හා මත්ද්‍රවය ජාවාරම් කිරීමේ චෝදනා මත අත්අඩංගුවට ගෙන සිටින පොලිස් මත්ද්‍රව්‍ය නාශක කාර්යාංශයේ නිළධාරීන් 13 දෙනා ලබන 22 වනදා තෙක් යළි රක්ෂිත බන්ධනාගාර ගත කර තිබෙනවා.
සැකකරුවන් අද (14) කොළඹ අතිරේක මහේස්ත්‍රාත් අධිකරණය හමුවට ඉදිරිපත් කිරීමෙන් අනතුරුවයි මෙම නියෝගය නිකුත් කෙරුණේ.
නීතිපතිවරයා වෙනුවෙන් අද අධිකරණයේ පෙනී සිටියේ රජයේ නියෝජ්‍ය සොලිසිටර් ජනරාල් දිලීප පීරිස් මහතායි.
ඔහු අධිකරණයට දැනුම් දුන්නේ මෙම නඩුවේ 14 වන සැකකරු ලෙස නම්කර සිටින උදාර සම්පත් නම් මත්ද්‍රව්‍ය ජාවාරම්කරු දැනට විදෙස්ගතව සිටින බවයි.
එම තැනැත්තා විසින් ජංගම දුරකථන සිම් කාඞ්පත් 55 ක් පමණ මිළදීගෙන විවිධ පුද්ගලයන්ට ලබාදී මත්ද්‍රව්‍ය සැපයුම් ජාලයක් නිර්මාණය කර ඇති බවද දිලීප පීරිස් මහතා අනාවරණය කර තිබෙනවා.
More Stories
චීන තානාපතිවරයා හා ශ්‍රී ලංකා ජනාධිපතිවරයා අතර හමුවක්
විශ්වවිද්‍යාල අනධ්‍යයන සේවක වර්ජනය අවසන්
ජපුර විශ්වවිද්‍යාලයෙන් රුසියානු භාෂා ඩිප්ලෝමා පාඨමාලාවක්