ස්පාඤ්ඤයේ සංචාරයක් සඳහා පැමිණ දින 14ක කාල සීමාවක් නීරෝධායනය වීම මගහැරීම හේතුවෙන් බෙල්ජියමේ ජෝකිම් කුමාරයාට අගුලු දැමීමේ නීරෝධායන නීති කඩ කිරීමේ චෝදනාව මත යුරෝ 10,400ක (පවුම් 11,800) දඩයක් පැනවීමට ස්පාඤ්ඤ බළධාරින් පියවර ගෙන තිබෙනවා.
ඉකුත් මැයි මාසයේදී කොරෝනා වෛරසය ආසාදනය වූ බව තහවුරු වූ 28 හැවිරිදි වියේ පසු වන ජෝකිම් කුමාරයා මැයි 24 වැනිදා ස්පාඤ්ඤයට පැමිණ ඇත්තේ සීමාවාසික පුහුණුවකට වන අතර එසේ පැමිණ දින හතරකට පමණ පසුව ඔහු දකුණුදිග කොර්ඩෝබා නගරයේ පැවති සාදයකට සහභාගී වී ඇත්තේ නීරෝධායනය වීම මගහරිමිනි.
ඉකුත් මැයි මස 15 වැනිදා සිට ක්‍රියාත්මක වන පරිදි ස්පාඤ්ඤය එරටට පැමිණෙන සැම විදේශිකයෙකුටම දින 14ක කාල සීමාවක් නීරෝධායනය වීම අනිවාර්යය කර තිබෙනවා. ජෝකිම් කුමාරයා සහභාගී වූ සාදය සම්බන්ධව ස්පාඤ්ඤයේ මාධ්‍ය විසින් ඉකුත් මැයි මාසයේදී පුවත් පළ කිරීමෙන් පසු තමා කළ වරදට සමාව ඉල්ලා සිටින බව කුමාරයා විසින් නිවේදනයක් නිකුත් කරමින් ප්‍රකාශ කර තිබෙනවා. ඔහුට නියම කර ඇති දඩ මුදල දින 15 ක් ඇතුලතදි ගෙවන ලෙස ද උපදෙස් දී තිබෙනවා.
ජෝකිම් කුමාරයා බෙල්ජියමේ ෆිලිප් රජුගේ බෑනා කෙනෙකු වන අතර එරට රජ කිරුළට හිමි කම් කියන ලැයිස්තුවේ 10 වැනි ස්ථානයේ පසු වනවා.
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
චීනයේ විදේශ වෙළඳාමේ කැපීපෙනෙන වර්ධනයක්