නීති විරෝධී ලෙස මෙරටට ආනයනය කර තිබූ රුපියල් මිලියන ගණනක වටිනාකමින් යුත් කහ බහාලූම් 45 කට අධික සංඛ්‍යාවක් සම්බන්ධයෙන් ශ‍්‍රී ලංකා රේගුව විමර්ශන ආරම්භ කර ඇත.
රජය විසින් ගෙන්වීමට සීමා පනවා තිබිය දී එය නොතකමින් මෙම කහ තොගය ඉන්දියාවේ සිට මෙරටට ආනයන කර ඇති බවත් ඒවායේ හිමිකරුවන් කවුරුන් දැයි මේ වන තුරු තහවුරුකර ගෙන නැතැයි ද රේගුව සඳහන් කරයි.
අදාළ කහ තොගය කන්ටේනර් තුළ බහාලමින් නීති විරෝධී ලෙස මෙරටට ගෙන්වූ ඒවා බවට ඉදිරි පරීක්ෂණවලදී තහවුරු වුවහොත් ඒවා සියල්ල රාජසන්තක කිරීමට පියවර ගන්නා බව රේගු අධ්‍යක්ෂ ජනරාල් සහ රේගු මාධ්‍ය ප‍්‍රකාශක සුනිල් ජයරත්න මහතා සඳහන් කළේය.
කහ අඩංගු අදාළ කන්ටේනර් සියල්ල රේගු භාරයට ගෙන, ගෙන්වූවන් සොයා විමර්ශන ආරම්භ කර ඇති බව ද, අතිරේක රේගු අධ්‍යක්ෂ ජනරාල්වරයා පැවසීය.
කහකුඩු මිල ඉහළ යෑමත් සමග රජය කහකුඩු සඳහා රුපියල් 750 ක උපරිම මිලක් නියම කර අතිවිශේෂ ගැසට් පත‍්‍රයක් මගින් ආනයනය කිරීම සීමා කිරීමට පියවර ගෙන තිබිණ.
කොරෝනා කාලයේ රජ වෙන්න නීති විරෝධීව ගෙනා කහ කන්ටේනර් 45 ක් අල්ලයි
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ