දකුණු අප්‍රිකා කණ්ඩායමේ පුහුණුවීම් අතරතුරදී වේග පන්දු යවන ක්‍රීඩක බියුරන් හෙන්රික්ස්ගේ නළල ආශ්‍රිතව පන්දුව වැදීම හේතුවෙන් ඔහුට කම්පන තත්ත්වයක් ඇතිවී නොමැති බවට වාර්තා වේ.
කෙසේ නමුත් නළල ආශ්‍රිතව පන්දුව වැදුණු ස්ථානයේ මැහුම් 8ක් දැමීමට සිදු ඇතැයිද ඒ සම්බන්ධයෙන් වැඩිදුරටත් වාර්තා වූයේය.
‘අපි දන්නවා ඩ්වේන් ප්‍රිිටෝරියස් වේගයෙන් පන්දුවට පහරදෙන කෙනෙක්. ඔහු එල්ල කළ පහරක් එක එල්ලයේ මා දෙසට ඇදී ආවා. මා එය වැළැක්වීමට උත්සාහා දැරුවත්, එය කෙළින්ම මගේ ඇස පෙදෙසෙහි වැදුණා.
වාසනාවකට මෙන් මෙම සිද්ධිය තරගාවලියේ මැද භාගයේදී නොවී මුල් භාගයේදී සිදු වීම ගැන සතුටුයි. මේ සංචාරය ගැන මතකය මට කිසිදා අමතක වෙන එකක් නැහැ’ යි හෙන්රික්ස් කියා තිබුණි.
කෙසේ වෙතත් අද ශ්‍රී ලංකාව සමග පැවැත්වෙන තරගයේදී ඔහුට අවස්ථාවක් නොලැබීමේ වැඩි සම්භාවිතාවක් පවතින බවටද, විදෙස් මාධ්‍ය වාර්තාකර ඇත.
More Stories
සිංහ – කැන්ගරු පළමු එක්දින සටන අදයි
ඔස්ට්‍රේලියාවට කඩුලු 09ක සුපිරි ජයක්
වනිඳු, කුසල්, චමරි ICC සම්මානයට නිර්දේශ වෙයි