ප්‍රංශය සහ ජර්මනිය දෙවනවරටත් ලොක්ඩවුන්

ප්‍රංශය සහ ජර්මනිය දෙවන වරටත් වසා දැමීමට තීරණය කර තිබෙනවා.

ඒ, කෙරෝනා වෛරසයේ සීග්‍ර ව්‍යාප්තිය හමුවේයි.

ප්‍රංශ ජනාධිපති එම්මානුවෙල් මැක්‍රෝන් සඳහන් කළේ දෙසැම්බර් 1 වන දා දක්වා එරට වසා තැබෙන බවයි.

ප්‍රංශයේ රෝහල් ආසාදිතයින්ගෙන් පිරී යාමත් සමඟ ඇදන් සංඛ්‍යාව ද සීමා වී තිබෙනවා.

ගත වූ පැය 24 තුළ ප්‍රංශයෙන් නව ආසාදිතයින් 36,437ක් වාර්තා වී ඇති අතර එරට සමස්ත ආසාදිත සංඛ්‍යාව දැක්වෙන්නේ දොලොස් ලක්ෂ 35,132ක් ලෙසයි.

එමෙන්ම, ජර්මානු චාන්සල් ඇන්ජලා මර්කල් ද ඊයේ එරට වසා දැමීමට නියෝග කළා.
ඒ අනුව නොවැම්බර් 2 වන දා සිට ජර්මනියේ අවන්හල්, ආපනශාලා සහ සිනමාහල් වසා දැමෙනු ඇති.
කෙසේ වෙතත්, පාසල් සහ වෙළදසැල් දැඩි සීමාවන්ට යටත්ව පවත්වාගෙන යාමට අවසර ලබාදෙන බවයි ජර්මානු චාන්සල්වරිය කියා සිටියේ.