මෙරට ප්‍රභූ ආරක්ෂක සේවයේ නිරත වන පොලිස් නිලධාරීන් 44 දෙනකුට කොරෝනා වෛරසය ආසාදනය වී ඇති බව වාර්තා වෙයි.
පොලිස් විශේෂ කාර්ය බලකායේ 264ක් සමගින් ශ්‍රී ලංකා පොලිස් දෙපාර්තමේන්තුවෙන් මේ වන විට කොරෝනා ආසාදිතයන් ගණන 1277 දක්වා ඉහළ ගොස් ඇත.
මෙම ආසාදිත නිලධාරීන් දිවයිනේ පොලිස් ස්ථාන 85කින් වාර්තාවී ඇති බව ද එම ආරංචි මාර්ග සඳහන් කරයි.
කොටුව පොලිසියේ නිලධාරීන් 162 දෙනකුට ද, බොරැල්ල පොලිසියේ නිලධාරීන් 107 දෙනකුට ද, කොළඹ අපරාධ කොට්ඨාසයේ නිලධාරීන් 68 දෙනකුට ද, කෙසෙල්වත්ත පොලිසියේ 76 දෙනකුට ද, ග්‍රෑන්ඩ්පාස් පොලිසියේ නිලධාරීන් 39 දෙනකුට ද, මරදාන පොලිසියේ නිලධාරීන් 23 දෙනකුට ද, පිටකොටුව පොලිසියේ නිලධාරීන් 20 දෙනකුට ද, අපරාධ පරීක්ෂණ දෙපාර්තමේන්තුවේ නිලධාරීන් 15 දෙනකුට ද, පරිසර ආරක්ෂණ කොට්ඨාසයේ නිලධාරීන් 12 දෙනකුට ද, පේරාදෙණිය පොලිසියේ නිලධාරීන් 08 දෙනකුට ද, ඇමැති ආරක්ෂක කොට්ඨාසයේ නිලධාරීන් 09 දෙනකුට ද, පොලිස් කේෂ්ත්‍ර බළකා මූලස්ථානයේ නිලධාරීන් 23 දෙනකුට ද, කුරුඳුවත්ත පොලිසියේ 31 දෙනකුට ද, මේ වනවිට කොරෝනා වයිරසය ආසාදනයවී ඇතැයි වාර්තාවේ.
කොරෝනා වයිරසය ආසාදිත පොලිස් නිලධාරීන් 1277 දෙනා අතුරින් 925 දෙනකු සුවවී රෝහල්වලින් පිටව ගොස් ඇති අතර නිළධාරීන් තවත් 352 දෙනකු රෝහල්ගතව ප්‍රතිකාර ලබන බව ද පොලිස් ආරංචි මාර්ග සඳහන් කරයි.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ